URBAN Cafe (駱駝漆大廈第一座)

营业中

休息中

觀塘區返工快半年了，平日帶飯為主，因為新公司無飯腳，但耐唔食都想出街抖下氣，呢日我㨂咗呢間餐廳因為好奇心，自己對小寵物無特別喜愛或抗拒，純粹搵個特別既地方食下飯放鬆下⋯疫情下消毒必須的，餐廳為保護貓貓安全，設備俱全，入場前穿鞋套，消毒雙手，登記安心出行或填寫個人資料。坐低我即刻點咗黑松露卡邦尼意粉，配泡沫咖啡，餐湯粟米忌廉湯，午飯時間比較緊張。記憶中佢畀咗一份用餐注意事項，但我坐低無耐，由於隔離枱買咗貓糧喂食，吸引超多貓貓上咗我張餐枱，我完全被嚇著，手忙腳亂，為咗保護剛上枱既餐湯，原本想食個安樂午餐再同貓貓玩下，點知理想與現實總有出入，想換枱，但午飯時間都超爆滿，可能愛貓人仕求之不得，可以近距離同貓貓互動。但我就搞到好狼狽，狼吞虎嚥食飽，之後才可以放鬆防備與貓貓互動，其實貓貓唔同爭食真係超可愛。整體食物質素唔差，價錢合理，愛貓人仕朝聖之選。