NUTTEA (兆英商業大廈) (已結業)

星期五又係時候乘機同同事去鬆一鬆，買返杯零負擔嘅純素茶飲先，發現新紙杯印住”Love Animals Peace w/ Earth”，有留意佢哋指定分店，定期捐款到守護動物嘅團體，特別有意思。宇治金時堅果奶蓋茶 $47呢度嘅奶蓋茶，我次次都會跟住建議飲法飲，先試濃濃堅果奶蓋，再飲啖茶底，最後先攪勻慢慢飲。鍾意飲到抹茶嘅茶澀味，咁先夠香，如果多啲紅豆就更好喇！香蕉燕麥堅果奶 $40鮮打嘅香蕉蓉好夠濃，加哩燕麥特別健康，飲完成杯已經飽咗，可以當代餐。