日常素食 (已結業)

放假去咗黃大仙中心行街 黃大仙多咗好多嘢食今日一於食得清淡少少🌿去咗食中式素食餐廳以自助餐形式供應午餐有沙律吧🥗配料有栗米、車厘茄、沙律菜等蔬菜好新鮮 好開胃啊！素食嘅種類都有好多 大部份以蔬菜為主 包括咖喱薯仔、南瓜、芋頭等味道唔會太過濃剛剛好係住家菜嘅味道，冇添加額外嘅味精🥰🥰另外自助餐供應炸物 芋頭魚、春卷、蛋散等 好脆好香口 好味😋仲有中式糖水同甜品 有紅豆沙、香芋糕、椰子糕等 質素唔錯呢間素食餐廳質素唔錯 性價比高 係食素朋友唔錯選擇！