禾日

星期六嚟銅鑼灣行街shopping之前先來希慎廣場覓食，呢度B1 B2近年裝修咗，多咗好多新餐廳，今日就揀咗一間寫住日本米專門店嘅餐廳食個午餐。之所以俾佢吸引係因為佢寫日本米專門店，啱晒我呢個鍾意食米飯嘅“飯桶“。.餐牌有唔同嘅選擇烏冬同定食、壽司set等等都有，其實平時都鍾意食烏冬，不過既然佢哋係主打日本米，所以就主力都想嗌番啲有米飯嘅Set。.-原條挪威鯖魚岩鹽燒定食魚生丼裡面有白身魚同埋🐟三文魚、魚籽、甜蛋等等，整體刺身的質素都不錯，尤其三文魚是用上魚腩部分，魚脂豐腴，甜蛋亦非常多汁。而挪威鯖魚岩鹽燒則性價比高，大大條夠兩個人share，微微嘅鹽燒香氣，加上嫩口魚質，搭配米飯非常合適。另外無論係丼定係定食，都有配搭茶碗蒸、沙律、麵豉湯及兩款醃瓜。.講返主要嚟呢度想試嘅🍚米飯，佢哋主要有兩種唔同嘅米，一個就係可以加錢升級嘅「魚沼越光米」，另一款就係普通套餐有跟嘅「北海道七星米」，第一次黎，我哋就主要試下佢最基本嘅北海道七星米。米嘅口感好清爽，粒粒分明，好有飯香，食落去有微微嘅甜，平時怕肥唔敢食咁多米飯嘅我都忍唔住食晒。-特選角切魚生丼.📍禾日 🔍銅鑼灣軒尼詩道500號希慎廣場URB