影片
更多
2018-12-07
172 浏览
同朋友玩完健身，咁就當然要食返餐好黎增下肌啦，之前我地都係食下切雞飯咁，但係今次個老友話出左糧想食好d wor! 咁我記起之前有個老友話平昌好正，好啦，咁試下啦！星期一嘅晚上我地上到去，嘩！都好多人呀！無訂枱嘅我地好好彩重有張枱呀！咁就坐低睇下有咩食先！佢地有3個餐，大君，世子同埋國王，咁我地兩個就選擇左世子啦！等左一陣，店員就上前菜啦，有六款，芽菜，泡菜，栗子，壽司等等，我最愛就係栗子同埋泡菜，泡菜味道非常正宗，而栗子可能係季節啱，所以就非常可口啦，勁甜！跟住就上左主菜俾我地先，分別就係醬油蝦，烤干貝，烤大蜆，牛肉眼，牛前胸腹同埋牛T骨。醬油蝦食落去好鮮甜，蝦肉好彈牙，唔會好梅，同埋好有蝦味。跟住就係烤干貝同埋烤大蜆，好明顯大蜆係新鮮呀，你會食到鮮甜味道，而干貝都好好肉，好味道。跟住就到韓牛出場啦，我地點世子餐嘅原因都係因為個牛前胸腹同埋塊T骨呀！牛前胸腹唔洗煎好耐，有少少紅色就最好味，胸腹肉就真係好正，好香牛味，而且就唔係好肥，而且牛胸腹肉蛋白質含量大，啱晒啦。T骨扒, 肉的口感要比肉眼更鲜嫩，而且都有d牛脂肪，牛脂肪燒起上黎就更加香口，都係果句，唔好煎太耐，煎牛係要有技術呀！牛肉
星期一嘅晚上我地上到去，嘩！都好多人呀！無訂枱嘅我地好好彩重有張枱呀！咁就坐低睇下有咩食先！佢地有3個餐，大君，世子同埋國王，咁我地兩個就選擇左世子啦！
等左一陣，店員就上前菜啦，有六款，芽菜，泡菜，栗子，壽司等等，我最愛就係栗子同埋泡菜，泡菜味道非常正宗，而栗子可能係季節啱，所以就非常可口啦，勁甜！跟住就上左主菜俾我地先，分別就係醬油蝦，烤干貝，烤大蜆，牛肉眼，牛前胸腹同埋牛T骨。
醬油蝦食落去好鮮甜，蝦肉好彈牙，唔會好梅，同埋好有蝦味。
跟住就係烤干貝同埋烤大蜆，好明顯大蜆係新鮮呀，你會食到鮮甜味道，而干貝都好好肉，好味道。跟住就到韓牛出場啦，我地點世子餐嘅原因都係因為個牛前胸腹同埋塊T骨呀！牛前胸腹唔洗煎好耐，有少少紅色就最好味，胸腹肉就真係好正，好香牛味，而且就唔係好肥，而且牛胸腹肉蛋白質含量大，啱晒啦。
T骨扒, 肉的口感要比肉眼更鲜嫩，而且都有d牛脂肪，牛脂肪燒起上黎就更加香口，都係果句，唔好煎太耐，煎牛係要有技術呀！
牛肉眼，脂肪含量較少，都係啖啖肉，好香牛味，而且根本上以上3種牛肉都係食牛肉本身原味，師傅都只係係表面上落幾粒鹽就夠味啦！
之後我地就叫其他野食啦，包括雞腎，燒生蠔，豬大腸，牛肋骨，牛脷，牛五花肉，大君系列嘅牛肉除左牛脷之外全部都係食醃製左嘅牛肉，例如係牛肋骨，牛五花肉同埋烤牛肉，師傅醃製嘅功力好高，好好味。
跟住全場我地係咁encore 左世子menu裡面嘅牛肉，真係好好味，好香牛味，起碼食左四轉，另外全場飲品，非酒精類係任飲呀，本人推介番石榴汁，唔錯唔錯，愛係牛嘅我地，基本上已經係回左本啦，特別推介牛前胸腹牛T骨同埋牛肋骨，可以狂食，下次會再黎試下個國王級啦！
张贴
