MangoChaCha (已結業)

Mangochacha呢排又寒返，有時出街覺得好大風，吹到我聲線尖了，髮型又～亂了～但同食友係尖東，又口痕想食甜品，最終就黎左Mangochacha!叫左金牌情人&黑糖挫冰😁金牌情人（$58）金牌情人係雪糕+綿綿冰+愛文芒，店員仲俾左樽海鹽我，話落少少係芒果到會更鮮味，果然落左係好食啲。芒果雪糕味道有點淡，綿綿冰就好滑好軟，同平時食果啲「鞋口綿冰」高左幾個層次，甜甜地，芒果味都幾出，愛文芒味道好清新，少少甜，但可能我食唔慣，我都係鐘意普通芒果多啲。哈哈，本身已經好凍，仲要食冰，人核溫度降到負50。招牌黑糖挫冰（$48）呢個挫冰十分普通，黑糖味略嫌甜左啲，出面甜，入面係淡茂茂的冇味冰，味道冇層次可言，不推介。