茶木‧台式休閒餐廳 (MegaBox) (已結業)

一向都係茶木粉, 最中意就係佢既牛肉麵同埋雪糕toast! 行完megabox諗住去食飯, 見到今期出緊台灣愛文芒菜式, 夏天熱辣辣又好似幾吸引!不過都係要叫番個最愛既麻辣牛腩拌麵先, 調味好好, 麻辣味好香好惹味, 但入口又唔會好辣, 次次食都追住一啖接一啖。牛腩夠入味, 有d咬口不過唔會韌, 撈埋d酸菜黎食仲好味!跟住就係一系列既愛文芒菜式, 每道菜同埋飲品都有粒粒愛文芒果肉, 又甜又多汁!愛文芒大蝦手作麵既麵底本身帶有洋蔥香, 愛文芒既醬汁比教稀, 入口先有洋蔥香再有淡淡既芒果愛甜, 依個配搭幾夾幾特別。再叫左愛文芒椰汁河粉撈做甜品, 中間一球芒果雪糕, 再加上粗河粉, 同埋濃郁既愛文芒椰汁, 芒果香甜味突出,  加埋粒粒果肉. 食哂成兜都唔覺膩。飲品叫左愛文芒沙冰同埋愛文芒珍珠鮮奶, 沙冰飲落穴係透心涼! 愛文芒珍珠鮮奶則香甜又滑身, 唔會好甜, 好味!