金蘭花泰國菜 (已結業)

同朋友做完GYM，有人話想食泰國嘢，因為啱做完運動無咩胃口，食啲酸辣嘢比較開胃。我地叫咗柚子沙律，馬拉盞炒芥蘭，泰式炒雞丁，同小食拼盤，甜品拼盤。柚子沙律酸酸甜甜地，面頭有啲腰果，分量都幾大碟。泰式炒雞丁，係濕炒，醬汁都幾惹味，雞肉唔會鞋。小食拼盤：有春卷，蝦餅，魚餅和糯米釀雞翼，個人比較喜歡糯米釀雞翼，外脆內軟。甜品拼盤，有芒果糯米飯，泰式南瓜燉蛋，椰汁糕和泰式千層糕。我就專攻芒果糯米飯，芒果都幾香甜。我地一致都認為呢間泰國嘢係唔錯，選擇幾多。係位置唔算太就腳。