等一隻貓咖啡 (已結業)

👧🏻：「喵～～ BB 我哋一陣去邊好呀😽？」聽到呢句說話，你會諗起？A. 貓B. 欣宜C. 其他無論答案係乜，呢間Cafe都好啱你、你同你嚟玩。Cafe採用和室Tatami設計，客人可以坐喺地下，讓主子們喺你身邊同腳邊穿梭，實行最親密嘅接觸😻。呢度嘅主子好活躍，時而打鬧、時而追逐、時而自娛、時而親親，玩足成日。係中斷時間去义一义電，一陣又出返嚟「飛越」。貓奴上嚟過過癮，絕對治癒💞。動物Cafe之中呢間飲品食品質素算係好高：【抹茶鮮奶】大大杯，味道一般。【三花茶】好大壺，玫瑰、茉莉、桂花，美肌養顏。飲落去清甜舒服，原來係落左冰糖，好細心👍🏻。 【芒果層層千層蛋糕】質素好高，中間有一層芒果蓉，不禁令我大口大口食。【提拉米蘇千層蛋糕】咖啡味好濃，忌廉幼滑，值得encore~地方整潔，員工有禮貌，場內好多貓貓嘅擺設，連餐具都係店主喺四周搜羅嘅貓主題，非常用心。呢度部份收益係會用嚟支持流浪貓嘅義工機構，所以愛貓人士一定要嚟支持一吓。