Life Toast (海之戀) (已結業)

行完Donki之後，經過呢一間賣多士嘅店舖，之前一直都好想試，依家見到冇咩人流，所以要入去試吓佢嘅多士，加上仲見到店家擺咗Anson Lo教主代言飲品嘅人形牌，即刻變心心眼😍。餐牌上面有好多唔同款式、唔同配料嘅多士，突然間好想食牛油果，所以就叫咗呢一個慢煮雞胸牛油果🥑溫泉蛋多士。慢煮雞胸牛油果溫泉蛋多士🍞兩塊多士中間夾咗好大塊嘅雞胸肉，仲有好清新好味嘅牛油果🥑，再咬多啖溫泉蛋之後，蛋汁流落去配料嗰度，令到多士唔會好乾身，每一啖都食到唔同嘅配料，而且唔會覺得好膩，食完仲好飽肚。