大戶屋 (已結業)

大戶屋食過好幾次，特別喜歡佢嘅冷喬麥麵，第一次黎到尖咀嘅分店，感覺同其他分店有d唔同，食物同服務都有所不同。呢度有日本師傅註場燒由名古屋空運黎走地雞串燒，當然要試下！定食當然例必order啦！1)鴨湯蕎麥麵- 呢個喬麥麵係放落d鴨湯度食嘅，所以麵質較硬身，同平時叫長方形盒嘅冷喬麥麵唔同，麵身較濕及軟，適合點醬汁食。講返個鴨湯，好濃，有d似鴨腿湯飯嘅湯，裡面嘅菇都好滑，主角鴨肉好味，平時除燒鴨外，總覺得餐廳一般嘅鴨肉都係又un又無味，呢個剛好相反另外跟set個蒸蛋超滑，有菇及雞肉白果在肉，好夠味!2)炸雞排蕎麥麵-之前都食過，覺得豬排做得好過雞排，雞排底下有飯，唔怕淨食麵會唔飽！3)串燒走地雞，揀左黑椒柚子味，鹽燒及汁燒，雞肉新鮮，但又唔係好驚喜，黑椒柚子味非常好味，而汁燒就比鹽燒好。但成三十蚊串，都幾貴！早知三串都叫哂黑椒柚子味啦！服務好殷勤有禮，每次上菜時都細心講解食法同鞠躬，要求要多1 set醬油及䓤花，侍應都好快送到，之後又鞠躬