影片
更多
2017-07-16
271 浏览
今晚同朋友去左銅鑼灣廣場二期的滿屋食日式放題，每位$228 加一，任食兩個鐘，好彩book左枱，估唔到星期三都咁多人等位。見有兩本餐牌分類，一本全是壽司、手卷、刺身等，另一本是其他小食、熟食、炸物等，抱著不浪費食物的心態，我們每樣食物都只落一兩件，試左喜歡先再加單啦。自助飲品同食品都分左幾個區，可以攞野飲同食住d冷盤、熱食同甜品先。我最鍾意自助日本清酒、梅酒，因為我是貪杯之人，喜歡邊吃邊飲酒。除了日本酒，雪櫃那邊還有好多種類的啤酒(日本麒麟啤都有) 、汽水、果汁，我今次是食放題，但反而覺得這裡的飲品最吸引！還有mega雪條、大脚板雪條飲食，大熱天時消暑一流！我第一時間飲梅酒開胃先，酸酸甜甜好易入口，酒精含量唔算高，我飲左佢兩個大瓶size都無醉意，女士啱飲，攞左d 泡菜、海蜇、中華沙律等冷盤送酒，海蜇味道偏甜不辣，中華沙律爽口新鮮，泡菜微辣而已，適合餐前做頭盤小嚐。開胃小吃到啦，這裡的燒菠蘿很有名，又甜又多汁，燒完再添一分燒烤的焦香，推介必試！喜歡吃蕃薯的人不要錯過串燒日本有機蕃薯仔，一口一粒，平時食開的蕃薯是要起粉的才香口好食，呢隻蕃薯竟然是香口之餘質感像糯米般煙韌，正！兩樣都要加單
見有兩本餐牌分類，一本全是壽司、手卷、刺身等，另一本是其他小食、熟食、炸物等，抱著不浪費食物的心態，我們每樣食物都只落一兩件，試左喜歡先再加單啦。
自助飲品同食品都分左幾個區，可以攞野飲同食住d冷盤、熱食同甜品先。我最鍾意自助日本清酒、梅酒，因為我是貪杯之人，喜歡邊吃邊飲酒。除了日本酒，雪櫃那邊還有好多種類的啤酒(日本麒麟啤都有) 、汽水、果汁，我今次是食放題，但反而覺得這裡的飲品最吸引！還有mega雪條、大脚板雪條飲食，大熱天時消暑一流！
我第一時間飲梅酒開胃先，酸酸甜甜好易入口，酒精含量唔算高，我飲左佢兩個大瓶size都無醉意，女士啱飲，攞左d 泡菜、海蜇、中華沙律等冷盤送酒，海蜇味道偏甜不辣，中華沙律爽口新鮮，泡菜微辣而已，適合餐前做頭盤小嚐。
開胃小吃到啦，這裡的燒菠蘿很有名，又甜又多汁，燒完再添一分燒烤的焦香，推介必試！喜歡吃蕃薯的人不要錯過串燒日本有機蕃薯仔，一口一粒，平時食開的蕃薯是要起粉的才香口好食，呢隻蕃薯竟然是香口之餘質感像糯米般煙韌，正！兩樣都要加單呢！
芝麻雞翼炸得好脆！加上有芝麻，食落更香口，裡面還有肉汁，沒有炸得太乾，我連雞翼尖都食到唔𦧲骨，哈哈！要加單！而炸年糕喜歡它口感，外脆內軟，有嚼勁，送酒一流！
再吃些壽司先，帶子蘆筍壽司，出面壽司店未食過，帶子和蟹子的鮮味和爽口的蘆筍一起吃，味道很清新很特別，不會飽滯，好味推介！
烤羊架，怕羊肉酥味就不要點，我很喜歡羊肉酥香，咬落羊脂混和肉質，真係好香，咸咸地加香草味，送清酒一流！
食完濃味的野，再食d炒雜菜清下喉嚨，呢道海鮮雜菜很推介，上桌熱氣騰騰，是即炒的，蒜心爽口鮮甜我很喜歡，加上魷魚，雜菌洋蔥一起炒，清新的甜味出晒來！
刺身終於出場！我們點了虎蝦、甜蝦、赤貝、希靈魚、三文魚、吞拿魚等，全部上齊無缺漏，因為有時食放題d點左的刺身未必齊全，但呢度都算唔錯上齊晒。
刺身我一下子就吃清光了，很新鮮，每片都不算大片，但吃過特別喜歡吞拿魚新鮮油香，之後再加單仲好，集中食自己喜歡的野。
燒帶子推介！夠大隻，醬汁不會過咸，帶甜味，烤完就是bbq香，咬落裡面還有鮮甜的汁，肉質爽口不會太老，加單！
真係好多野食講唔晒！食咁多肉要食下沙律先，海葡萄沙律，海葡萄帶點咸味，伴沙律清清地幾有創意(在日本沖繩常見在食刺身時加海葡萄伴碟的) 。焗廣島蠔，蠔肉不大，但加左白汁雜菌焗，好creamy好香。榴槤炸彈，外面脆卜卜，一咬流晒榴槤餡出來，食落好煙韌，真係榴槤飄香！呢個時候當然要飲多兩啖清酒清下炸物的濃味。
最後還有每人一杯雪糕，我選movenpick士多啤梨乳酪味，因為上年夏天食過晒movenpick所有口味雪糕，覺得佢的水果味最好食。食完真係大滿足，兩個鍾話咁快食完，要埋單俾等位的人食啦。是次加一後每人$251, 食到咁多野，飲得咁多杯的我，覺得回晒本。
张贴
