博多拉麵別天神 (已結業)

在銅鑼灣行街行到6點，覺得肚餓，就去咗世貿隔離街嘅博多拉麵別天神度醫肚。這家間店嘅格局同日本地道嘅拉麵店好似，座位唔多，全部係吧枱位，可以睇到廚是師幫客人整拉麵嘅過程。入去之前，可以在未來嘅餐券機到買飛先，再入去就座。我哋叫咗個二人拉麵餐。二人餐分別有兩碗拉麵同兩個小食，小龍蝦蟹子沙律有5-6塊紫菜包圍着，係用嚟俾你包住小龍蝦沙律食的，兩樣一齊食味道好夾。啖啖都食到小龍蝦肉、蟹肉、蟹子，好味道呢！另一款小食煎餃子，味道都10分唔錯呢，皮薄餡靚！蝦味噌拉麵係我最愛，湯底夠濃夠鮮味，飲個不停口。拉麵上有兩塊叉燒，又有溫泉蛋，兩樣味道都唔錯。拉麵係幼身果種，口感唔軟，唔錯。店的豬骨湯是用100%豚骨用壓力鍋長時間熬制，無味精無乳制品成分，但依然creamy味濃。一樣有兩塊叉燒和溫泉蛋。比蝦味噌拉麵少左粟米同紫菜，但就多左木耳。