愛上米線 (波斯富街) (已結業)

作為米線控既我，即刻比店名「愛上米線」吸引咗入去食。小編覺得本店嘅裝修有點似美式漢堡包店😂光線充足環境寬躺，最重要係坐得舒服。紅燒牛𦟌湯米線（牛骨湯) $62本店設有免費添飯和添米線，岩晒一班大食既朋友仔。店員會主動問要不要添加，小編就無添啦，食一碗已經好飽😋牛𦟌約有5塊，厚度適中，牛味濃郁，軟身和入味，配上啖啖牛骨湯底，更美味。喜歡食辣嘅朋友仔一定要落自家製甜辣醬！ 剁椒皮蛋 （+$18升級至套餐）配上秘製醬汁，帶少少辣味和蒜，很惹味。唯一有少少失望，原來得一隻皮蛋。芒果乳酪梳打 （特飲+$4）好正呀！有爆珠芒果，口感好正。酸菜排骨湯米線 $58超級多酸菜，不會醃得很酸，淡淡酸味很開胃。最緊要係湯底不會好油膩。排骨紋得很淋，不會好韌，分量多。麻辣豬耳朵 （+$18升級至套餐）食落爽口，配上自家製麻辣醬汁幾惹味。藤椒雞粒油餅 $32葱油餅很酥脆！藤椒鷄粒好香又唔會好油，配上蔥油餅一起吃，口感更加豐富，而且不會很油膩。