鮨鶴日本料理 (已結業)

見到開飯有新餐廳，仲要係廚師發辦和，跟係要去食下啦，距離灣仔地鐵站唔遠嘅地方，就會見到呢間餐廳係一樓到，由於算係係住宅大廈入面，所以有唔少人排隊等𨋢原來間餐廳試業咗兩星期咋，而入面唔係太大，有一排吧枱，大概有十五個位到，另外仲有三、四張四人枱，相信佢地有另一間餐廳，所以有唔少熟客黎食晚飯，一陣間，個吧枱已經幾乎坐滿價錢由最平六百蚊至千二蚊一個人不等，所有野食都係由廚師安排，會根據是日新鮮嘅海鮮，去製作唔同嘅菜式，最後同男朋友揀咗各800蚊嘅正葵因為係第一批客人，所以好快就送上先付醃茄子，平時其實唔鍾意食茄子，但係試完呢個之後就改觀，微鹹嘅茄子，伴隨住一啲清新嘅味道，再係上面灑上木魚絲，整體都幾開胃跟住再遞上一碟醃漬伴菜，分別有醃牛蒡、辣蒜頭、醃紅蔥頭同醃蘿蔔，酸酸地，食下刺身再食下醃菜，可以更加開胃，而且每款醃菜都有爽脆嘅口感，真係唔錯最後一道先付就係日本珍蠔，相比隔離客人嘅蠔，我地嗰兩隻較細，明明大家都係一樣嘅先付，但係尺寸反而有分別。珍蠔已經皮入咗甜醬油調味，所以唔需要加其他醬汁，食落口有一陣清新嘅味道，原因係加入咗少量嘅柚子皮，即刻大大提升鮮味，而且口感仲幾滑溜慢慢開始步入主菜喇