花椒子 (已結業)

星期日去旺角行街之餘，搵咗間裝修特別嘅川菜，佢喺雅蘭中心嘅地庫，有一個獨立嘅門口，有由樓梯裝修已經好特別，係以太空為主題分咗入唔同角落嘅座位，好有川菜嘅氣息，都坐得好舒服呢度嘅set lunch都好抵食，而且仲有好多唔同嘅選擇。佢呢度嘅所有主菜同埋小食都係唔分時段供應，滿足晒唔同想試嘅意欲自己用QR code落單，夠方便泡椒白木耳、涼拌蓮藕每一個set lunch都會跟一個小食，白木耳係第一次見，就嗌咗嚟試吓，比起黑木耳口感軟身少少，入口爽甜涼拌蓮藕爽口，仲有少少拉絲，嗌咗微辣，辣度啱啱好酸菜鱸魚片就算係午餐但係份量都好夠，鱸魚片好新鮮，一啲腥味都冇，咬落去係清甜彈牙，而且完全冇骨底下都會有唔同嘅配料，有芽菜、金菇送飯一流紅燒肉麵呢度所有嘅餸菜都可以自選少油少鹽小辣，紅燒牛麵辣到啱啱好，而且係幼麵都索左湯汁嘅精華，啲肉切到大大嚿，但係都炆到好林，肥瘦分布均勻花椒魚頭鍋份量超級足，好大個煲，香辣感十足，辣度啱啱好，魚頭好大個，魚肉都好新鮮滑身底層都有好多配料，最欣賞個薯粉，所有嘅精華都吸收晒，層次豐富炸酥肉肉嘅大小切得啱啱好，可以一啖一舊，而且佢外面炸粉好薄，咬落去係啖啖肉，而且新鮮炸起