影片
更多
2019-03-01
39 浏览
好朋友生日，壽星有心儀嘅火鍋店，所以一行幾人就嚟到呢間位於銅鑼灣 V Point 27/F嘅《酒窩》。餐廳裝修靚得嚟好型格，其中一全裝有落地玻璃，可以飽覽無敵維港景。呢度有成二十款湯底選擇，見到其中“香港原創五格鍋”咁有特色，就決定叫其中嘅 “愛麗絲夢遊仙境” ($388)。上枱時鍋底中間一直噴住白煙，外圈係綿密豐盈嘅由蛋白打成嘅白色泡沫，上邊仲灑有色彩繽紛嘅食用鮮花，絕對係視覺上嘅大享受，愛麗絲夢遊仙境呢個名當之無愧。鍋底滾起咗，餐廳嘅職員會將白色蛋白稍微勺走，五格喎分別係：四川麻辣鍋、藥膳花膠雞、喇沙海鮮、黑松露雜菌，而中間嘅就係木瓜雪耳豬骨鍋。幾款湯底都好足料，真係色香味俱全。頂級安格斯牛小排 (大) ($268) - 油花分佈平均，牛味濃郁，口感軟滑。黑毛豬豚腩肉玫瑰花拼盤 ($268) - 賣相吸睛，新鮮有光澤，食到豚肉嘅鮮甜味，肉質細緻。鵝肝醬匈牙利鬈毛豬肉丸 ($88) - 肉丸表面灑有金箔，相當名貴，除咗鬈毛豬嘅香味，肉丸中間仲帶有鵝肝嘅香味，口感爽口彈牙。魚子醬匈牙利鬈毛豬肉餃 ($88) - 粉紅色玫瑰花嘅造型，頂部灑有金箔， 賣相十分精緻。食落鮮甜得嚟帶有魚子醬
呢度有成二十款湯底選擇，見到其中“香港原創五格鍋”咁有特色，就決定叫其中嘅 “愛麗絲夢遊仙境” ($388)。
上枱時鍋底中間一直噴住白煙，外圈係綿密豐盈嘅由蛋白打成嘅白色泡沫，上邊仲灑有色彩繽紛嘅食用鮮花，絕對係視覺上嘅大享受，愛麗絲夢遊仙境呢個名當之無愧。
鍋底滾起咗，餐廳嘅職員會將白色蛋白稍微勺走，五格喎分別係：四川麻辣鍋、藥膳花膠雞、喇沙海鮮、黑松露雜菌，而中間嘅就係木瓜雪耳豬骨鍋。幾款湯底都好足料，真係色香味俱全。
頂級安格斯牛小排 (大) ($268) - 油花分佈平均，牛味濃郁，口感軟滑。
黑毛豬豚腩肉玫瑰花拼盤 ($268) - 賣相吸睛，新鮮有光澤，食到豚肉嘅鮮甜味，肉質細緻。
鵝肝醬匈牙利鬈毛豬肉丸 ($88) - 肉丸表面灑有金箔，相當名貴，除咗鬈毛豬嘅香味，肉丸中間仲帶有鵝肝嘅香味，口感爽口彈牙。
魚子醬匈牙利鬈毛豬肉餃 ($88) - 粉紅色玫瑰花嘅造型，頂部灑有金箔， 賣相十分精緻。食落鮮甜得嚟帶有魚子醬嘅鹹香味。
開心小企鵝 ($88) - 墨汁味嘅小企鵝造型十分得意，口感爽彈，睇得又食得。
芝士紫菜蝦蟹餃 ($68) - 除咗有芝士味外仲有蝦蟹嘅鮮味，入邊仲加咗香口嘅紫菜，口感同味道都豐富。
5 浏览
0 赞好
0 留言
肥媽墨汁丸 ($58) - 墨汁味香濃，爽彈得嚟又幾滑。
黃金炸魚皮 ($68) - 魚皮炸好之後再淋上鹹蛋黃醬，鹹蛋黃味道濃郁又保持到魚皮香脆鬆化。
即炸手工紫菜響鈴卷 ($58) - 響鈴卷入邊加有香口嘅紫菜，渌一下索咗湯底之後，滋味倍增。
三色鮮製生麵 ($58) - 以菠菜汁，甘筍汁，及墨魚汁製成，口感滑溜煙韌，健康飽肚之選。
另外仲叫左嘅蜂巢豆腐 ($38)、雜菌拼盤 ($58) 、蔬菜拼盤 ($68)，都相當唔錯。
呢餐不論係裝修、景致、食物、味道同服務，都相當唔錯，壽星果然無揀錯！
张贴
