HeSheEat (綠楊坊) (已結業)

唔開心總係想搵啲甜嘅嘢食下，俾我哋發現咗呢度又有西餐食，又有甜品吃，衝呀⋯⋯好，坐低睇吓有咩好食先。雜菌蘑菇溫泉蛋意大利麵，隻溫泉蛋切開好吸引，成個意大利麵都係充滿芝士汁，掛滿每一條意大利麵，好好食！黑松露雜菌春雞會意大利飯，個飯好香黑松露味，食落煙煙韌韌，大大隻燒春雞脾啖啖肉。單骨蜜糖芥末雞翼，雞翼炸到卜卜脆，沾上蜜糖醬，脆得來又甜甜地。紫薯鮮奶、oreo 奶昔，上面嗰個cream 夠滑溜，怕肥都要飲。檸檬忌廉班㦸卷，罕有地甜品唔係甜嘅，主力用咗檸檬去做班㦸忌廉，食落係酸嘅，但上面用咗焦糖醬，整體食落酸酸甜甜，幾特別，雪糕都係檸檬味，有少少似乳酪嘅感覺。