荳子 (海壩街) (已結業)

肺炎肆虐周圍都唔敢去長期留係屋企嘅關係今日約咗朋友去食個tea放空下相信大家對beans都唔陌生 食物質素高之餘 原來仲好注重食得安心 佢哋會為每位顧客先探體溫先批准入餐廳 非常欣賞講返食物其實都唔係第一次光顧beans佢嘅意粉相對出色 亦都係我鍾意佢嘅原因我最愛嘅意粉第一位係黑松露軟殼蟹超濃厚嘅黑松露味cover每條意粉 好入味 又creamy 係我全港最愛嘅意粉❤️而第二名就係黃金蟹肉意粉creamy鹹蛋黃同蟹肉嘅味道出奇地搭配 又唔會有鹹蛋黃嗰種好漏嘅味道 好出色!!!!❤️黎到Cafe當然要食啲cake chill chill我就叫咗個綠茶蛋糕同埋伯爵茶吐司綠茶蛋糕好鬆軟 d cream都好smooth 味道唔會太甜 好易入口而伯爵茶吐司就俾咗個好震撼嘅感覺我哋佢入面有伯爵茶流心 用吐司麵包點伯爵茶流心再加雪糕食 正飲品方面我叫咗熱伯爵茶latte 伯爵茶味道好香 甜度好微 朋友好喜歡 但我覺得可以稍微甜多少少 總括來講真係大愛beans嘅意粉 其他食物質素都好好只係意粉真係非常出色 一定會經常嚟光顧