影片
更多
2019-01-04
246 浏览
講真平時甚少去諾士佛台食飯，始終呢度感覺都係主打飲酒，平時同兄弟飲酒就多，食飯嘅話附近都頗多選擇😂。機𡟇巧合下班Bros約喺嗰度食晚飯，去之前睇吓啲相，睇落去似主打女性市場，所以都冇抱太大期望。點知真係”少年你太年輕喇”🧐。.當晚大家share幾個小食開齋，叫左炸雞翼條(我心諗雞翼有條㗎，咩玩法🤔)，蒜香牛柳粒，同埋炒蝦🍤。原來雞翼條係指去咗一條骨，所以食嘅時候會方便好多，可以一口好凶狠咁食晒啲肉，鹹同辣度方面亦較得啱啱好，嗰日得12度仍能令到我鬆開恤衫領，well done👍🏻。至於牛柳粒同蝦，雖然未去到中華一番有條龍🐉飛出黎嘅境界，但係牛同蝦都唔會煮得太老，睇得出師傅有功力，穩陣，抵讚。👌🏻.入正題，成班男人梗係要食肉，仲一定要夠飽，所以主菜一早pre-oder咗個斧頭扒🥩，貪佢夠大。其實之前自己都有試過整咁大塊牛扒，但係始終屋企廚房條件規限，一係煮得太熟，一係就整唔到嗰啲脆嘅邊位出嚟😒。入正題，廚房一拎件牛出嚟，講緊女講緊錢嘅都即刻停口，攞部手機出嚟影相，只因個份量嘅澎湃感覺確實非筆墨能形容😦。不過賣相有幾靚都冇用，始終味道同份量對我哋班佬黎講先係最緊要，就好似如果大牛冇V12淨
.
當晚大家share幾個小食開齋，叫左炸雞翼條(我心諗雞翼有條㗎，咩玩法🤔)，蒜香牛柳粒，同埋炒蝦🍤。原來雞翼條係指去咗一條骨，所以食嘅時候會方便好多，可以一口好凶狠咁食晒啲肉，鹹同辣度方面亦較得啱啱好，嗰日得12度仍能令到我鬆開恤衫領，well done👍🏻。至於牛柳粒同蝦，雖然未去到中華一番有條龍🐉飛出黎嘅境界，但係牛同蝦都唔會煮得太老，睇得出師傅有功力，穩陣，抵讚。👌🏻
.
入正題，成班男人梗係要食肉，仲一定要夠飽，所以主菜一早pre-oder咗個斧頭扒🥩，貪佢夠大。其實之前自己都有試過整咁大塊牛扒，但係始終屋企廚房條件規限，一係煮得太熟，一係就整唔到嗰啲脆嘅邊位出嚟😒。入正題，廚房一拎件牛出嚟，講緊女講緊錢嘅都即刻停口，攞部手機出嚟影相，只因個份量嘅澎湃感覺確實非筆墨能形容😦。不過賣相有幾靚都冇用，始終味道同份量對我哋班佬黎講先係最緊要，就好似如果大牛冇V12淨係得個V8引擎，外表有幾凶狠都講唔過去🤷🏻♂️。舊斧頭扒表面caramelised得啱啱好，內裏係剛剛好medium，透紅，極juicy，肉味濃🤤。另外，相信應該係有rest過舊扒，因為肉汁冇喺切嘅時候就”逼”晒出嚟。呢啲細節位出面一般餐廳好少留意，就算識都未必做因為有時間成本。所以呢間野嘅師傅，似乎真係有啲功力💪🏻。
.
總括而言，水準係意料之上。下次有機會要再試吓其他菜式😎。
张贴