影片
更多
2015-04-22
1763 浏览
我從來食野唔寫野，因為食野既歡愉係難以言喻。但今次突別破例，唔係因為呢間餐廳比唔上之前果d, 而係相反，有過之而無不及。更重要既係，同熱情健談既老闆聊完，覺得應該要幫下自己，幫下人。餐廳係觀塘既工業大廈。老實講，如果唔係朋友介紹，真係唔知工業大廈有野食。入到去，見環境不俗，佈置幾精緻。一開波，待應(原來係老闆之一)立刻俾支水。堅講，水都有點驚喜。好多西餐廳求求其其，攞水喉水(可能有過濾器)俾我飲，強烈既生水味，真係咸出黎。好少少，會加檸檬。呢度支水無生水味，有少少檸檬，ok啦。其實呢d基本野，真係唔明點解咁多餐廳做唔到。。。飲完啖水，立刻點餐，叫左兩個combo: 一個黑松露油什肉意粉，一個素菜意大利飯。係南瓜湯，沙律加蒜蓉包。我女朋友唔太好南瓜，但都覺南瓜唔錯。如果唔係南瓜控，應該都會喜歡呢杯淡淡地既南瓜湯。沙律好重既醋，幾開胃。之前聽朋友講，沙律既紅菜頭幾苦下，今次發現冇左。之後同老闆聊先知，改左用其他蔬菜，從善如流，抵讚。蒜蓉包好實淨，好濃既牛油同蒜蓉味。可能我鍾意硬包，我幾喜歡佢呢個包。我女友一般，所以我可以食埋佢果個，正。可能廚房唔多人，等左1x分鐘有主菜，主菜先黎個黑松露波
餐廳係觀塘既工業大廈。老實講，如果唔係朋友介紹，真係唔知工業大廈有野食。入到去，見環境不俗，佈置幾精緻。
一開波，待應(原來係老闆之一)立刻俾支水。
堅講，水都有點驚喜。好多西餐廳求求其其，攞水喉水(可能有過濾器)俾我飲，強烈既生水味，真係咸出黎。好少少，會加檸檬。呢度支水無生水味，有少少檸檬，ok啦。其實呢d基本野，真係唔明點解咁多餐廳做唔到。。。飲完啖水，立刻點餐，叫左兩個combo: 一個黑松露油什肉意粉，一個素菜意大利飯。
係南瓜湯，沙律加蒜蓉包。我女朋友唔太好南瓜，但都覺南瓜唔錯。如果唔係南瓜控，應該都會喜歡呢杯淡淡地既南瓜湯。沙律好重既醋，幾開胃。之前聽朋友講，沙律既紅菜頭幾苦下，今次發現冇左。之後同老闆聊先知，改左用其他蔬菜，從善如流，抵讚。蒜蓉包好實淨，好濃既牛油同蒜蓉味。可能我鍾意硬包，我幾喜歡佢呢個包。我女友一般，所以我可以食埋佢果個，正。可能廚房唔多人，等左1x分鐘有主菜，主菜先黎個黑松露波菜意粉。
雖然個意粉用既係黑松露油，唔係即磨既黑松露，但都好香。忌廉濃度都岩岩好，唔會jem埋成舊糕咁。最重要係，意粉軟硬適中，唔會太軟又唔會太硬中間個芯唔熟。配合埋波菜同忌廉，一流。之後輪到個飯，
個飯有點牛油香，加上菇稛，好香。雖然份量有點少，但因為女友細食，我都食左唔少。值得一提既係，飯粉偏硬，大部分西式飯都係咁。如果食開軟飯，應該會唔習慣。我就唔好硬飯，所以食得津津有味。因為combo有兩款：一款係窩夫，另一款係自選，我揀左lemon cheese cake。
兩個甜品都非常足料，特別係cheese cake，芝士濃，質感偏軟。本身諗住個質感似New york cheese cake咁硬，但出奇地軟。係甜品方面，我係受軟唔受硬，所以我覺得唔錯。美中不足係檸檬味唔夠出，可能芝士太濃，蓋過檸檬味。最後，老闆建我嗌mocha(因為combo set包任何飲品，所以佢建議我叫最貴既)。
顏色淡左d, 所以都意料朱古力味會淡。事實上，咖啡味比朱古力濃，而咖啡又幾香，所以唔好得朱古力既死甜，不錯。晚飯間，老闆侍應招呼周到。閑聊間，知道老闆首次創業，餐廳平日生意一般。我答應一定幫佢寫食評。唔單知因為食物質素好，想多d人識，推介俾大家。更重要係，希望支持一個有心有力有夢想既年青人。
P.s. 但願未來有更多好既小店林立，而唔係得番大集團既籠斷。。。
张贴
