投鮮食 (已結業)

呢間以「空投」✈️🗺作主題嘅小店主打外賣，啱晒依家要避開外出進食嘅我哋！食物價錢合理，性價比高，又足料又抵食！兩款炒飯上面都鋪左一大羹魚子，份量十足，粗略估計入面應該有兩碗飯😂😂鰻魚炒飯（$50）未開蓋已經陣陣香味，燒汁作底，入面有鰻魚粒、紫菜同三色豆，配埋蟹籽食落去又有口感又健康。至於蟹肉蟹膏炒飯（$60）食落去明顯感受到有蟹膏味，絕非得個名，蟹肉份量亦都好足，配埋切粒嘅豆有一種令人回味嘅感覺。同較濃味嘅鰻魚炒飯係兩種感覺！😋我哋另外叫咗個小食「蟹肉忌廉薯餅（$28）」，一𠝹開餡就流晒出嚟，入面混合左一絲絲蟹肉，打磨後口感幼滑，比想像中冇咁膩！由於我哋叫咗兩個主食，另加$18就有手調或特調飲品。雙重朱古力粗沙（冰飲 特調）朱古力味濃郁，飲落去仲有細細粒嘅朱古力粒，好有口感。至於薄荷朱古力浴（熱飲 特調）就唔太合乎我呢啲小朋友口味，飲落去有少少中藥感覺。