Terrace in seaside (海運大廈)

营业中

休息中

海港城海運大廈裝修完之後有好多好嘢食都一直好想試，呢間長期有好多人排隊嘅韓國菜，今日心血來潮好想食，門口大排長龍，人氣超高。餐廳嘅食物種類係進化版嘅韓國料理，甚至比傳統嘅韓國料理更加好食，我地兩個人叫左蟹肉泡菜意粉，韓式豬手半份，甜辣果仁無骨炸雞半份，兩個人完全食唔晒。超級推介佢個蟹肉泡菜意粉，原隻蟹上，隻蟹啲肉好飽喎同好實，食得出係新鮮湯嘅蟹，個意粉有少少辣，趁熱食超開胃，估唔到用咗泡菜去煮嘅意粉可以味道咁豐富。甜品就推介士多啤梨提拉米蘇蛋糕，佢冇咖啡味，但係好濃嘅牛奶味，而且啲士多啤梨真材實料好甜。