景逸軒 (已結業)

通常酒樓叫得乜乜軒既都會貴少少又細份少少，但今日中午飲茶想係個環境舒適一點既地方，所以黎到景逸軒，竟然佢比我地想像中便宜，又好食。食點心為主，叫左蘿蔔糕，煎得幾好食，仲有蝦餃，皮薄餡多，同埋炒米粉，我地一共3個人食，都差點食唔完，上菜又算幾快，重點係入黎個陣都唔洗等位，講緊星期六既午市，雖然埋單計錯左少少數但都好快更正好，我地靠近落地玻璃坐，有陽光照射住，環境真係唔錯，見到少少少海景咁，會再返黎幫襯。