影片
更多
2015-07-23
5516 浏览
親友在日本回來香港, 來個洗塵兼收手信飯聚大家都知佢這一年已經食左好多日本菜, 所以一致否決了日本菜~~最終決定食韓國菜, 但又不想次次都燒肉咁滯,所以選了一間大家都未試過的school food本身約6:30在TIMES 度等, 心想咁早應該未有太多人食飯吧,於是便叠埋心水,在樓下等齊人才上餐廳怎料...一上到去, 已經超多人圍住個門口, 大鑊 叫緊210, 取票是250, 等成40張枱, OH MY GOD~~~還好中間都多票都係飛走了, 因為大家都等唔切吧終於大概等了半個鐘多少少就到我地了而因假期關係, 侍應提醒要75分鐘內要交枱在門口等位時, 大家由唔太肚餓, 等到個肚開始打鼓, 所以等位時已經選好想食咩了, 即刻點菜~~~飲品: 青檸啫喱荔枝艾菲一JAR上, 我們3個女生分剛剛好而所謂的艾菲到底是甚麼呢,原來 艾菲 (ATHIE) = ALE+ SMOOTHIEALE 明明應該酒類, 而SMOOTHIE 應該是很"杰"身的果汁類,兩者合併其實都係唔知係咩, 最初還擔心是乳酸類呢 謎底終於解開: 其實係類似青檸梳打+ 荔枝肉茸 + 青檸啫喱當中薄荷葉的清爽香氣, 配合其他較
大家都知佢這一年已經食左好多日本菜,
所以一致否決了日本菜~~
最終決定食韓國菜, 但又不想次次都燒肉咁滯,
所以選了一間大家都未試過的school food
本身約6:30在TIMES 度等, 心想咁早應該未有太多人食飯吧,
於是便叠埋心水,在樓下等齊人才上餐廳
怎料...一上到去, 已經超多人圍住個門口, 大鑊
叫緊210, 取票是250, 等成40張枱, OH MY GOD~~~
還好中間都多票都係飛走了, 因為大家都等唔切吧
終於大概等了半個鐘多少少就到我地了
而因假期關係, 侍應提醒要75分鐘內要交枱
在門口等位時, 大家由唔太肚餓, 等到個肚開始打鼓,
所以等位時已經選好想食咩了, 即刻點菜~~~
飲品:
青檸啫喱荔枝艾菲
一JAR上, 我們3個女生分剛剛好
而所謂的艾菲到底是甚麼呢,
原來 艾菲 (ATHIE) = ALE+ SMOOTHIE
ALE 明明應該酒類, 而SMOOTHIE 應該是很"杰"身的果汁類,
兩者合併其實都係唔知係咩, 最初還擔心是乳酸類呢
謎底終於解開: 其實係類似青檸梳打+ 荔枝肉茸 + 青檸啫喱
當中薄荷葉的清爽香氣, 配合其他較濃味的韓食,
味道酸酸甜甜, 很易入口, 解渴一流
脆雞伴大蔥沙律
播完星星後, 我想韓國最受歡迎的食物應該一定有炸雞的份 炸雞的調味未見突出, 炸得算香脆了, 肉質不會太硬,
只是未能鎖住肉汁, 咬落比較乾身
大蔥沙律的大蔥或許是因用酸辣汁拌勻,
使蔥本身的辣味則沒那麼明顯, 更易入口了
烏卒卒（墨魚）
其實同日式的小卷是一樣, 不過韓國人叫這些做"紫菜包飯卷",而SCHOOL FOOD 更是將這些小卷砌到成朵花咁,
加埋D 沙律醬畫碟裝飾, 係幾有心思的~~
烏卒卒內裡是包着墨魚, 飯以墨魚汁煮黑了,
不過飯的墨汁味不明顯, 墨魚略帶少許甜辣味,
想起日本函館的 魷魚釀飯, 不過這裡是把墨魚卷於飯中
這個烏卒卒食落會有些爽脆的口感, 估計應該有醃蘿蔔乾,
只是由於黑得滯, 所以睇唔到
廚師卡邦尼年糕
最初對這菜式不抱太大期望(所以忘記影相), 不過見係推介菜式,
抱着一試無妨的心態去嘗試, 結果是意料之外的好味道
其實我真的真的真的好喜歡食煙靭口感的食物,
所以年糕真的很合我胃口
沒想過卡邦尼汁與年糕竟然能這麼夾,
這個卡邦尼汁雖然弄得偏甜, 如夾了內裡的粉絲, 或許會太膩了,
但因年糕本身沒有味道, 汁醬要較重味先OK
可能不加粉絲會更好
不過奇怪的是, 明明餐牌話有辣椒, 但我們幾個均試不出有任何辣味呢
新村拉麵
後加的一道菜, 是見隔離枱點了, 又看似幾好食,所以跟着點的最初以為是炸醬麵的汁料, 但食落就不像
配料有雞蛋, 車厘茄, 韓式魚片, 青瓜絲 及......年糕
沒錯, 又係年糕了, 我的至愛
結果跟親友說, 麵歸你們, 年糕給我, 嘻嘻~~~
之後也看了其他人的食評,
看來在SCHOOL FOOD 要選對菜色才可,
否則很容易中伏, 慶幸今次全部都選對了
张贴
