上海珍珍排骨麵 (已結業)

晚上食飯經過見到呢間上海野，見佢環境望落幾舒服，坐位唔算迫，又未食過呢間，所以就決定試一試。兩個人食晚飯，呢餐叫左上海排骨粗炒、炸雞奕同一碗三餸的麻辣湯底上海麵。排骨粗炒的排骨肉質堅硬，外皮炸得太老，炒麵有色澤但咬落似食粉團，麵冇曬彈性，就好似雪過落雪櫃隔夜再叮返一樣。炸雞奕正常。麻辣湯底麵有三個餸揀，㨂左雞、牛腩同餃子。雞肉望落好嫩滑，咬第一啖發現似煲湯湯渣果d雞，牛腩、餃子正常，但湯底味道完全係同飲緊支麻辣鮮露冇分別。總結，難食。