安安燒 (鯉景大廈) (已結業)

去完行山想食串燒，就搵下筲箕灣附近有咩食啦～一搵就搵到呢間串燒，就即管去試吓啦！一嚟到職員會比一張order menu我哋，入邊都算包羅萬有啊！先叫第一輪嘢食，就叫住咁多先啦！豬味道爽辣，正啊！呢個金菇真係不得了呀，牛油味蒜蓉味好夠，果然正過平時自己整嗰啲！茄子開邊蒜蓉，入味！菠蘿好甜呀！！呢個係我自愛嘅鯖魚!串燒菜比想像中嘢味好食啊！呢個入面有年糕好好味！整體來講，呢間串燒水準不錯！而且服務態度好好，職員都好樂意推介，食完仲即刻收碟添！最後埋單四個人每人只係百幾蚊！食到肚飽飽好滿足！朋友都話下次會同屋企人黎食添！我都會推介俾更多嘅朋友呢！我會再黎㗎 ！