CHI Tachinomi (屯門市廣場) (已結業)

間舖超難搵啊🥺🥺😭😭可能因為我係喺西鐵站行過去 經過屯門市廣場行過去 搞到我搵咗勁耐都搵唔到 同埋個舖面勁隱蔽！ 相反我朋友喺杯渡過來就超快！雖然係咁 好彩嘢食都無令我失望！入到去有半層低落去咁😂😂😂即刻坐喺下面 好似有Feel啲嘢飲就一杯凍麥茶，一支白桃汁～正正常常！芝士年糕一上來嗰陣有啲驚🥺🥺心諗會唔會係師傅整得燶得濟～但食落口發現完全唔會！燒得剛剛好！熱辣辣！一咬落去煙煙韌韌～ 又有種綿密嘅口感🤫 咬多兩啖又有一堆芝士湧出來！好食！玉子燒！口感好有Layers，又表面燶燶地，啲啲脆咁！唔係平時喺出面壽司檔買嗰隻好死甜嘅一舊舊玉子燒～而係有種清新嘅甜！燒牛舌！超級推介～厚切不特止，仲要燒得剛好熟，咬落壽爽脆多汁迷你鰻魚飯～好多蛋絲🤣🤣鰻魚香濃又肥美 好啱送飯🤫