金利來小廚 (已結業)

原本唸住去食日本野,但揸車經過見到呢間野。因為有位朋友之前話食過都唔錯， 於是就決定食呢間啦！一行四人叫左一份炒球， 話梅骨， 椒鹽鮮魷， 酥炸豬手同扇貝 ，但意想不到咁好食 。首先我就覺得個炒球略嫌鹹左小小，但d魚都好滑下。 第二就係個話梅骨，酸酸甜甜同埋真係好重話梅味，真係好開胃 。冇諗個呢間野既話梅骨咁好食， 個個都話正。 第三椒鹽鮮魷,我本人就麻麻地啦， 不過都好爽口同OK ga。第四個扇貝都好正， 新鮮熱辣辣就食， 蒜蓉味好重,味道好正，又唔會好鹹，加埋d粉絲，真係送飯一流。最後就係個酥炸豬手，真係好好食。 相比起我係高級餐廳， 呢到真係好食好多，而且便好多， 份量又唔差， 好香口，而且個皮好脆口， 勁好食。 總括而言， 雖然環境一般。但食物質素真係好正， 讚讚讚。 值得推介！