上海姥姥 (新達廣場)

营业中

休息中

黎到上海菜餐廳，今次冇嗌小籠包，反而試吓其他上海美食。前菜點咗醉雞，醉雞份量唔多，肉質普通正常發揮，區內有食過其他醉雞嘅餐廳質素較高。令人意想不到嘅係蛋黃蝦仁炒飯，雖然炒飯加入鹹蛋黃，但炒飯非常乾身粒粒分明，一啲都唔油膩。鹹蛋黃份量多，令炒飯非常香口，而且增加炒飯嘅口感。係成個炒飯嘅靈魂，嚟到呢間餐廳一定要點呢個炒飯。酸辣湯拉麵少少辣，麵質彈牙幼滑，加上酸辣湯上面嘅配料亦都非常豐富，呢個酸辣湯麵亦都係合格以上。