Cova Ristorante & Caffe (已搬遷) 新店位置

星期六同bf去食下午茶自助餐，起初都怕我bf冇o野好食，因?吾多鐘意食甜品，好彩都有Ｄ甜品以外的選擇。好似有幾款開邊三文治，蕃茄薄餅，新鮮生果。而我就主攻甜品，Tiramasu有兩款，一種係一件件的，另一種係一盆的。我吾知邊種係正宗，我就鐘意一盆o個種多Ｄ，有齊酒味同咖啡味，仲有大量朱古力碎～好好味呀～！其他甜品都好精緻，蛋糕出o左六款左右，士多啤梨好大粒。待應服務態度好好，但企門口o個位比較高級的男人就好差，冇笑容之餘仲態度惡劣，明明有位都吾帶我地入去坐，係要等其他待應帶我地入座。而且佢Ｄ英文吾多掂，我地有張coupon，明明可以用的，?話只限晚飯先可以用，其實係只限晚飯先有得訂位。唉～！減肥推介～冇理由比百幾蚊淨食生果嘛！所以我今次好暢快咁食，我o個日冇食早，午餐。就係為o左食呢個下午茶buffet。以我的減肥經驗所得，吾好迫得自己太辛苦，如果吾係好易放棄。想食可以偶爾食一次，食完之後反而可以加強減肥決心，放縱o左一次，要食番小Ｄ嘛～！不過頂多一個月放縱一次，我忍o左三個月呀！