M3 Italian (已結業)

今日係媽咪生日，所以就帶咗佢去呢一間喺大圍嘅m3 Italian!開一個大party，慶祝一下佢生日！叫咗兩份Pizza，呢兩個Pizza都好好食！黑松露野菌芝士薄餅同埋帕爾瑪火腿芝士薄餅！因為呢度嘅薄餅餅底都係好脆，而且好薄！所以絕對係食得晒！同埋我好鍾意呢度嘅火腿，呢度嘅火腿好香！另外仲叫咗一份香辣蒜片大蝦意大利粉，好鍾意食呢度嘅香辣味道，加埋呢度嘅大蝦好好食！意大利粉軟硬適中，所以口感好好！仲有一份M3沙律，呢度沙律真係好大份，而且仲有幾個唔同嘅醬汁可以選擇！加埋新鮮嘅沙律菜！食完之後都幾開胃！最後仲叫咗一款甜品，我自己好鍾意呢一個香草味意大利奶凍！好香好滑嘅奶凍！