常嚐食•深燒堂 (已結業)

上次係旺角收工同個同事仔行過旺角花園街,就見到呢間常嚐食•深燒堂,霓虹燈既店面設計好特別,就同同事仔入左呢間串燒店,真係估唔到有意外收穫!!!好耐無食到咁正宗既串燒啦~款款都味道正宗又夠味,超適合我呢啲重口味既人但係串燒上最推介既幾款一定係:雞皮餃子,本身以為會好油膩,點知食落口真係脆仆仆,超耐食。仲有個翠肉瓜:未食過咁好食既蔬菜,健康又美味,平時唔鍾意食菜既我,都食得好滋味,係我下次再去既必食之選啊!!!然後燒安格斯一口牛都只係 $38,超好食又平喎,呢款真係超抵食啊!!!下次收工一定會再帶埋朋友同事再上去食過~!