影片
更多
2013-12-23
165 浏览
同朋友係旺角正苦惱食乜好，行經西洋菜街，見到有間新開食店，門口好多花牌，於是望下門口餐牌，D食物都好吸引，就選擇此處晚餐。此處店舖唔算好大，但佈置見心思，有懷舊感覺，除了牆上有D畫及汽車裝飾外，發覺枱面係用咗瓦仔做圖案，好懷舊, 以及全部係卡位, 所以坐得好舒服.黑椒紐西蘭穀飼牛配珍珠飯，上枱時有D驚，因為係生嘅肥牛，但朋友襯熱係鐵板炒兩炒，即刻熟晒都冇咁驚，重覺得幾特別，又有得玩，又有得食，味道方面，反而食唔到有黑椒味，但食到有甜甜地嘅燒汁味, 配埋D飯同薯菜，覺得好好味，肥牛因為係生上，嚟度先炒熟，所以好稔好軟，剛剛好，唔會韌，我下次都會再食呢個飯。意大利黑松露帶子流心蛋包飯，又係好特別，我同朋友話點解D蛋唔係黃色，係綠綠地色，咁啱個職員聽到，立即解說，係因為加咗黑松露所以咁綠綠地色。所以我未食已有黑松露嘅味飄出嚟，好香，但D帶子就好細粒，佢用咗珍珠帶子，所以食唔到有帶子味, D蛋都好滑, 配埋D飯, 成個飯好香. 美中不足係帶子唔夠大隻, 如果佢用大粒帶子, 會倍覺個飯更加完美.叫餐重可以加$29升級, 要多兩款小食, 我地選擇了薯蓉焗法國田螺及瑞士雞翼. 焗田螺係我同朋友嘅至愛
此處店舖唔算好大，但佈置見心思，有懷舊感覺，除了牆上有D畫及汽車裝飾外，發覺枱面係用咗瓦仔做圖案，好懷舊, 以及全部係卡位, 所以坐得好舒服.
黑椒紐西蘭穀飼牛配珍珠飯，上枱時有D驚，因為係生嘅肥牛，但朋友襯熱係鐵板炒兩炒，即刻熟晒都冇咁驚，重覺得幾特別，又有得玩，又有得食，味道方面，反而食唔到有黑椒味，但食到有甜甜地嘅燒汁味, 配埋D飯同薯菜，覺得好好味，肥牛因為係生上，嚟度先炒熟，所以好稔好軟，剛剛好，唔會韌，我下次都會再食呢個飯。
意大利黑松露帶子流心蛋包飯，又係好特別，我同朋友話點解D蛋唔係黃色，係綠綠地色，咁啱個職員聽到，立即解說，係因為加咗黑松露所以咁綠綠地色。所以我未食已有黑松露嘅味飄出嚟，好香，但D帶子就好細粒，佢用咗珍珠帶子，所以食唔到有帶子味, D蛋都好滑, 配埋D飯, 成個飯好香. 美中不足係帶子唔夠大隻, 如果佢用大粒帶子, 會倍覺個飯更加完美.
叫餐重可以加$29升級, 要多兩款小食, 我地選擇了薯蓉焗法國田螺及瑞士雞翼.
焗田螺係我同朋友嘅至愛, 所以上枱後, 哈哈: 未影相已經唔見咗兩粒.
但佢哋個田螺冇令我地失望, 有意外驚喜, D田螺好大粒, 好軟, 重有D香草味, 我同朋友都覺得好好味,
加$29好祗食.
瑞士雞翼反而冇咩特別, 覺得只係似鹵水雞翼, 唔係甜甜地個D瑞士雞翼, 所以麻麻地.
都未食完呢餐, 我已決定平安夜再同老公嚟食, 反正未知個晚食咩好, 佢哋又係食西餐, 啱晒.
题外话/补充资料：
除咗食物好味值得一讚之外, 佢哋D服務都值得一讚, 每個職員都好好禮貌, 希望佢哋可以各方面都保持水準,
或更加進步.
(以上食记乃用户个人意见 , 并不代表OpenRice之观点。)
张贴
