越南軒 (已結業)

今天放工約左2個舊同學吃晚飯, 由於其中一位舊同學極力推薦此餐廳, 於是就姑且一試, 我們一行三人, 點了四道菜, 分別是酒香魚露雞(好似係呢個名), 咖喱牛腩, 香茅豬扒和馬拉盞通菜, 再加2杯飲品, 珍多冰和綠豆冰, 可能時間尚早的關係(大約晚上7點), 餐廳未有很多客人, 不用10分鐘時間, 全部菜已經上齊, 首先試食咖喱牛腩, 味道跟其他餐廳很不同, 牛腩炆得很冧, 咖喱汁有濃郁的椰汁味, 十分醒胃, 而且又唔辣, 撈飯一流啊 跟住就食魚露雞, 雞肉滲滿魚露同酒香, 配埋附送既配汁, 真係好好味 我一個人都差唔多食晒半碟, 香茅豬扒就一D都唔油, 師傅切得好薄同冧, 一口一件岩岩好, 仲有好香既香茅味, 唯一要彈既就係馬拉盞通菜, 雖然都炒得好香, 但可惜D通菜食落好老, (可能呢排成日落雨, 冇乜靚菜), 最後, 我地點左2杯飲品珍多冰同綠豆冰, 佢地真係落足料, 2杯都勁多珍多同綠豆, 同埋D椰汁冇溝水, 如果唔係食得太飽, 真係想飲多杯, 最後埋單都係265蚊, 真係物超所值, 下次一定會再幫襯