名寶石餐廳

营业中

休息中

同先生兩個人去，佢食肉眼，好基本，所以都無影相，點知到我想試嘅牛肋骨嚟到，同張相差唔多但係見到實物都係覺得有啲震撼。牛肋⻣上面掃上蜜糖去燒，形成一層脆皮，好食。不過弔詭之處係佢無乜調味，可能係預計食客點港式西餐必備嘅洋蔥汁黑椒汁etc，但係我一點洋蔥汁就無晒蜜糖味同埋同食其他扒無乜分別。去到最後，我都係會俾一個笑，因為牛肋骨實在燒得唔錯，先生嘅肉眼水準正常，老牌餐廳需要支持。後記：個人經驗，平日晚飯時間都需要訂枱，除非你可以六點半或之前去到搵位。