意料之外 (已結業)

2019年4月11日（星期四）覺得行藍地大街，好似行緊長洲，悠悠閒閒好舒服！小店門面普普通通，反而係佢個名好特別！一支公嘆下午茶，最啱食個包，份量冇咁多，價錢又平啲，啱啱好！香煎雞扒包配沙律+檸茶，盛惠$34，感覺大滿足！張張枱都有客，生意唔錯！可能係廚房唔夠人手，食物上枱速度唔算快！首先講吓個包，軟綿綿，脆卜卜，屬心機之作！雞扒大人手掌一樣大，煎得好香，肉質嫩滑仲保留肉汁，水準以上！沙律係的骰咗啲，不過好爽好脆好清新！好食又抵食！