亞萊泰 (淘大商場3期) (已結業)

放工經過呢一邊，約咗朋友食飯，然後經過呢一間泰式餐廳俾佢嗰個特惠烏頭魚吸引左後來就決定食呢一間作為晚飯18吋海鮮軍艦非常長，但係有冇18吋我就唔知道啦哈哈。咖喱味都不辣，偏甜，至於海鮮方面有幾舊魚樓，蟹柳，數粒墨魚仔。大人細路都啱食嘅菜式柚子沙律我朋友話食得出有入面有一啲椰子，因為唔識椰子嘅佢最後放棄左呢一碟沙律。要我就食唔出有椰子味道，但係整體上酸酸辣辣咁樣囉，但酸比較多，而失去左本來柚子沙律嘅果香清淡冬陰功（細）兩個人叫一碗冬陰功絕對非常夠飲，入面有一隻蝦，有好多菇。個人覺得如果四個女仔一人一碗，叫細SIZE都非常足夠 青檸蒸烏頭唯一嘅缺點係烏頭有一陣腥味，如果可以再加多少少薑同埋香茅落去會比較好味。至於服務態度方面，有禮貌，有問必答，會留意啲食客係咪飲晒手上嘅水，然後會主動去倒水。