影片
更多
2016-11-17
1836 浏览
話說每個月都要諗一個新地方食紀念日飯都真係幾頭痕，所以久不久會係同一棟大廈續層咁食，而今次就揀openrice 正評指數都高嘅火山燒食下~ 由於我地7點幾到，去到幾乎1層都唔滿，但係呢度越坐就越多人，唔怪得呢間餐廳有兩層啦～我見到個爐嗰時，其實都幾意外，因為真係幾靚仔，一粒一粒原石咁樣放係度，無論係石嘅分佈或者係個架嘅放法，其實都係有原因。右邊係放蠔殼、中間放肉、左邊係放一啲已經熟熟地嘅食物，非常有鋪排。呢度提供嘅汁料都係幾齊全，包括有玫瑰蜜糖、燒汁同埋辣汁。我欣賞玫瑰蜜糖，因為好似餐廳提供花蜜味道嘅蜜糖。 建議大家真係要加個任飲，因為其實都係廿蚊，我經驗之談係一燒燒成2粒幾鐘，加上啲野熱氣，最好就係飲下啲涼茶。話說每枱都會有一鍋呢海鮮煮，可能真係燒得慢，所以提供呢啲野俾大家食住先，我特別鍾意佢啲粉絲咁嘅麵，滲滿左個湯之後，好似紅薯粉一樣，每一條都煙煙韌韌咁~ 其他一品鍋嘅食物，都ok~ 老實講我只係怕啲海鮮唔新鮮會有陣味，但係呢度啲海鮮都ok ~ 由於人太貪心，所以幾乎樣樣都叫左啲~ 其實對於有四隻蠔嘅出現都幾意外~ 而且燒完食入口都覺得新鮮實屬少見~ 店方叫我地燒左啲薄嘅肉先，因
由於我地7點幾到，去到幾乎1層都唔滿，但係呢度越坐就越多人，唔怪得呢間餐廳有兩層啦～
我見到個爐嗰時，其實都幾意外，因為真係幾靚仔，一粒一粒原石咁樣放係度，無論係石嘅分佈或者係個架嘅放法，其實都係有原因。右邊係放蠔殼、中間放肉、左邊係放一啲已經熟熟地嘅食物，非常有鋪排。
呢度提供嘅汁料都係幾齊全，包括有玫瑰蜜糖、燒汁同埋辣汁。我欣賞玫瑰蜜糖，因為好似餐廳提供花蜜味道嘅蜜糖。
建議大家真係要加個任飲，因為其實都係廿蚊，我經驗之談係一燒燒成2粒幾鐘，加上啲野熱氣，最好就係飲下啲涼茶。
話說每枱都會有一鍋呢海鮮煮，可能真係燒得慢，所以提供呢啲野俾大家食住先，我特別鍾意佢啲粉絲咁嘅麵，滲滿左個湯之後，好似紅薯粉一樣，每一條都煙煙韌韌咁~ 其他一品鍋嘅食物，都ok~ 老實講我只係怕啲海鮮唔新鮮會有陣味，但係呢度啲海鮮都ok ~
由於人太貪心，所以幾乎樣樣都叫左啲~
其實對於有四隻蠔嘅出現都幾意外~ 而且燒完食入口都覺得新鮮實屬少見~
店方叫我地燒左啲薄嘅肉先，因為快啲熟之餘，仲可以將肉嘅油份留係爐度，所以我地不停咁燒啲肉，而且無論係啲牛肉或者係豚肉都真係唔錯，可能係本來預左個質素唔太高，但結果令人意外。即使係蠔都唔會手下留情俾一、兩隻你，而係俾夠每人兩隻，而且唔夠又仲可以叫，加上啲蠔都幾新鮮唔係雪，所以食落唔覺得腥，保持到鮮味。
至於牛肉方面，我好欣賞每塊肉都係幾有紋理，而且食起上嚟啲肉仲有牛油嘅香味，相當不錯。
特別推介呢個魚翅福袋，一般都係日式火鍋先會見到，但係竟然可以拎嚟燒，外皮仲係脆卜卜，而且入面啲魚翅都唔係得幾條，清清地，相當不錯。
而多春魚我成日都好怕腥，但係呢一度啲多春魚嘅質素唔錯，除左魚春唔係少，而且仲有少少肉食，唔似係普通雪蔵野~
呢一塊後加的鴨胸，真係相當吸引，鴨皮部份分泌出很多油份，而且鴨胸的份量亦相較多，燒得耐都唔鞋口~
食到其實已經咁上下飽，竟然送嚟香草雞，不過本著唔想浪費食物嘅情況底下，我同我男朋友就一人食左一舊，雞肉燒完都唔鞋口，而且香草味非常香濃，就算係送嘅都唔係好hea~
呢一條雞軟骨又真係令我幾意外，因為本來覺得都係啲雪藏嘅野，其實燒完都有陣雪味，但呢個又無喎，燒完之後配上燒汁仲令立立咁~
特別喜歡這兩個大福，檸檬和綠茶味道，個人覺得檸檬較為少見，而且食左咁多油膩野之後，食呢一個醒胃嘅大福，真係當堂無咁滯。
個人覺得$350 燒咁耐，而且服務好好，啲野又唔錯，我男朋友都覺得好推介，覺得樣樣野都做唔錯，難怪有咁多好評~
张贴
