甜入心 (已結業)

平時好小食甜品嘅我經過門口比一間甜品鋪嘅裝修吸引左入去。入面有搖搖椅、心型嘅燈飾、飾物架。連天花都吊左好多心心葉係到。白色嘅牆身，掛左好多甜品嘅相。😚餐牌圖文並茂，啲相都好吸引。😍桃寶燕窩椰皇子。原個椰子上，底層係椰子味嘅啫喱，上面鋪左燕窩。一邊有淋蜜糖，一邊就無淋。勁足料！啖啖燕窩，椰子味好濃。燕窩、啫喱同椰汁撈埋一齊食好好味。芒果乘涼。入面有芒果、芒果汁同涼粉，芒果汁雪凍左似沙冰一樣，下面就有涼粉墊底，上面有幾片芒果。芒果味唔會太酸，涼粉好有口感，有小小涼茶味。消暑一流。柑桔檸檬。普普通通一般野飲出奇地好味，柑桔味唔會太濃，飲落唔會乾喉嚨。檸檬味唔重，唔會太酸。飲落兩種味都好和諧，好好味。