The Francesco (已結業)

Francesco 睇個名以為法國，其實係意大利一個常用既名字，偉大球員托迪就係哩個名。見到哩個名，自然要食正宗嘅意大利野。 🍖近海地方一定要食海鮮，芝士焗蠔，新鮮蠔充滿海水味，同芝士嘅鹹香，互相輝映。白酒蜆肉，湯底除咗有白酒，最重要係洋蔥，蕃茄仔，同埋羅勒葉，配合蜆湯，非常之鮮味而且清新。兩樣野蠔肉同蜆肉都脹卜卜，鮮甜又嫩滑。 🍖肉將意粉，麵條質感啱啱好，絕對係al dente,而肉醬份量適中，撈勻之後，剛剛掛住每條麵條，所以我覺得特別忠於傳統，有時候港式嗰啲太多醬汁反而會破壞平衡。 🍖最後食左 Tiramisu，一開始酒嘅香味就首先衝入口腔，但係並冇蓋過mascarphone cheese同custard creamy既香滑，仲帶出兩者甜味。再加上唔手軟嘅可可粉，濃郁得黎唔會漏。 可以去點全部意大利嘅傳統菜式，但係其實呢度都有好多其他種類既好味食物，值得一黎。