老鳳冰室 (已結業)

無無聊聊四團逛， 今個下午堅唔想做野， 於是約左同是自由身嘅朋友去tea, 揀嘅唔係cafe，唔係去high tea。而係嚟左葵芳呢間冰室😝。深水埗嗰間就成日去， 但呢間都係第一次， 事關我諗住食完可以去附近商場胡亂購物， 減下壓。呢度嘅波波奶茶係必試item, 不過今日我將佢讓俾朋友， 自己就叫左飛仔華田。佢地招牌食物有很多款， 我就點左蝦多士、芝士撈丁同老鳳雞翼。好似有點多， 不過最多今晚唔食囉。芝士撈丁是滿滿的芝士，加上一大堆大大片豬頸肉， 食完好滿足😋。老鳳雞翼有啲似瑞士雞翼， 甜甜地，雞翼肉質滑溜👍。佢地嘅蝦多士確係好味， 一啲都唔油膩，蝦膠夠爽口彈牙，沾埋沙律醬更好味。