影片
更多
2016-09-18
1413 浏览
今日9月11去杏花村稻香飲下午茶, 先講野食, 唔算好食既, 叫左個炸兩, 裡面既油炸鬼淋晒, 碗仔翅唔知點解有d甜, 另外叫左個炒麵都唔錯, 個麵炸得幾好, 蝦餃燒賣呢d大路野就不過不失啦服務方面, 一開始已經落錯單, 我叫一隻糯米雞, 佢冇落到, 反而幫我落左兩碟炸兩到3點幾既時候, 有個女職員行埋我張枱叫我地埋單, 因為佢地4點要埋數, 要我地自己拎張單出去收銀埋單, 之後先再返埋座位食野, 當時我地成枱點心未食晒, 所以打算轉頭先埋隔左一陣, 該名女職員再過黎, 語氣極不友善, 黑面再要求我地自行出去埋單先再可以返埋位食野, 我地都冇理會, 因為每次last order, 都係你地既職員會拎收據直接過黎埋單, 或者係等我地食埋離開先出去埋單到大約4點, 個位女職員拎收據黎, 黑面同態度極差, 要我地即時埋單, 咁我地一直打算俾現金, 未拎錢既時候, 該職員問都冇問我地用現金定簽卡, 就已經拎張點心紙咭過黎, 話我地要碌卡既就自己出去出面俾錢我即時話係俾現金, 咁佢就話現金可以俾佢, 可以即時找錢, 我地總共要俾$118.5, 咁我有$0.5既散紙, 諗住佢唔使找毫子, 但佢話
服務方面, 一開始已經落錯單, 我叫一隻糯米雞, 佢冇落到, 反而幫我落左兩碟炸兩
到3點幾既時候, 有個女職員行埋我張枱叫我地埋單, 因為佢地4點要埋數, 要我地自己拎張單出去收銀埋單, 之後先再返埋座位食野, 當時我地成枱點心未食晒, 所以打算轉頭先埋
隔左一陣, 該名女職員再過黎, 語氣極不友善, 黑面再要求我地自行出去埋單先再可以返埋位食野, 我地都冇理會, 因為每次last order, 都係你地既職員會拎收據直接過黎埋單, 或者係等我地食埋離開先出去埋單
到大約4點, 個位女職員拎收據黎, 黑面同態度極差, 要我地即時埋單, 咁我地一直打算俾現金, 未拎錢既時候, 該職員問都冇問我地用現金定簽卡, 就已經拎張點心紙咭過黎, 話我地要碌卡既就自己出去出面俾錢
我即時話係俾現金, 咁佢就話現金可以俾佢, 可以即時找錢, 我地總共要俾$118.5, 咁我有$0.5既散紙, 諗住佢唔使找毫子, 但佢話唔好俾毫子佢, 佢唔會收, 要我地一定要俾齊頭數, 等佢拎5毫, 咁我話張單係$118.5, 我俾毫子你唔使找, 點可以唔收, 佢就黑面, 咁我最後俾左$119.5, 諗住找返1蚊, 最後該職員數左錢, 都唔找返錢就拎晒d錢走左去, 明明就佢話有錢找既, 我係度食咁多次都未試過不設找續同埋叫吹人埋單, 吹到好似債主收數咁
仲有唔明係, 隔離枱簽卡既, 佢就幫人拎埋卡出去俾錢,但就同我地講要簽卡就自己出去出面收銀埋單, 咁樣咩意思?!
該中年女職員係著全黑色衫, 短髮, 戴眼鏡
唔該稻香咁大間公司, 正視一下職員既態度問題啦
张贴