宙串燒日式食堂 (已結業)

上次食完後念念不忘佢哋啲串燒今日同另一班朋友再去幫襯，咁啱遇着大廚試緊新菜，我哋梗係唔執輸樣樣都試啲啦印象最深刻嘅係泡菜雞肉棒，估唔到兩樣嘢加埋一齊做串燒會咁夾。另外仲有前菜茄子漬都非常推介，清新開胃，估唔到呢個價錢可以份量比咁大碗。見到隔籬枱有碟蛋沙律幾得意，我哋都即刻點咗嚟試，佢係滷水蛋中間釀咗蛋黃撈沙律醬，鹹鹹地又甜甜地滷水好入味好耐冇試過一間小店食完會咁有驚喜，價錢質素同份量真係超值冇得輸，希望佢哋繼續努力，香港人撐返香港小店