8鍋臭臭鍋 (謝斐道) (已結業)

芝士牛奶鍋 HK$111唔知點解，女仔對芝士鍋有一種天生的迷之嚮往🫕❤️‍🔥肚腩都唔例外，搭配130g 嘅肥牛片，真係份量多到夜晚都唔洗食飯🤯唔同坊間嘅打邊爐，牛肉都係一塊塊，佢係一舊有重量嘅牛😂🐮鍋嘅配料都好出色，有蜆、牛丸、年糕🍥腐竹。菜類有南瓜🎃娃娃菜、菇🍄等等，真係好難想像$100蚊有咁多野食🥳🤩作為火鍋，湯底係重中之重，肚腩食過嘅火鍋，一係就水咁稀、一係就某種調味品太濃、或者唔夾，但係呢個芝士牛奶鍋唔係太濃稠，味道都冇過份喧賓奪主，確實唔錯🥛順帶一提，本身湯底就有王子麵，所以可以唔額外加🍜飲品方面肚腩揀左冬瓜鮮奶，味道同黑糖鮮奶有啲似🧋但係冇咁死甜，一次過滿足兩個願望😜香蒜牛肉鍋 HK$136朋友揀嘅．據聞味道都幾唔錯，加左白豚肉同埋大腸🐖肉量當然都係十分澎湃🌊料都有啲襯番個鍋底嘅食物，例如油炸鬼、蕃茄同埋荀🍅肚腩就jam 左件大腸，十分肥美呢，而且冇鯹味，唔錯😍朋友加左一口臭豆腐，肚腩中意點醬✌🏻均勻地散播係一口臭豆腐嘅醬汁令肚腩幾滿意，如果脆口啲加熱啲就更好啦🤪士林鹽酥甜不辣 HK$34呢個係肚腩再去會點嘅野🤣因為加左鹽酥，咸咸甜甜好正💕✨而且層皮都脆脆地，入邊有咬口，好香