哈比斯燒肉串和咖哩 (鴻圖中心)

营业中

休息中

觀塘鴻圖道有個好特別嘅food court叫愛琴坊，呢度裝修得好靚，有好多希臘小白屋壁畫，覺得自己恍如置身希臘一樣。由於今日趕住去做gym ，想食少少野醫肚。見到呢度有間食土耳其同印度嘅美食小店，價錢合理，一於試試先。見到最多人買係烤肉卷同Pizza，我點左件牛肉kebab拎走。哇！原來超大件，好似我前臂咁長😅打開後見到材料豐富，餅皮烤過好香又煙韌，都幾飽肚。牛肉份量都唔少，好多香料醃製過，粒狀好味。配合埋d生菜、洋蔥、蕃茄，口感多屬次，營養又均衡，個特製醬汁係Kebab嘅精髓，juicy 得黎又辣辣地，好夾味！對於成日食粥粉麵飯嘅我，今日好有新鮮感！原來呢度每日有唔同嘅lunch set, （Kebab 加汽水），下次一定要黎試埋其他野！