串爆 (已結業)

喺旺角行完街見到呢間食麻辣串串嘅舖頭 個名好搞笑叫做‘串爆’我哋兩個女仔，之前成日都會去深圳行街，東門嗰度最多就係呢啲一串串嘅麻辣野食！因為疫情都冇得返去深圳食嘢街唯有就試吓香港呢間餐廳啦！我哋揀咗任食任飲套餐！一開頭要揀咗要咩既辣度！然後再嗌嘢食！我朋友二話不說就揀咗中辣！餐牌可以掂嘅嘢食我哋都幾乎點晒咁滯😂😂😂點完嘢食，姐姐就攞住一大碗過嚟我哋張枱！個碗勁大！好有氣勢😂😂😂我哋食咗幾串之後，就覺得好辣😂😂我同姐姐講太辣，佢好好人咁幫我哋拎咗入廚房加咗高湯令到到個湯無甘辣！啲蔬菜就係麻辣，真係超級索味！食到我哋舔舔脷！冇得北上食川菜，呢間餐廳都係一個好好嘅選擇👍🏼