無辣不歡 (已結業)

假日得閒就去咗葵芳廣場行下，無來一段時間發現呢度又多咗好多美食，睇網上介紹二樓開咗一間麻辣手撒雞手卷，就立即衝上二樓揾下，一去到發現超多人，排咗5-10分鐘先order到美食，再等5-10分鐘先拎到手卷，但係絕對等得值得，因為佢做o既手卷實在係好好味。首先雞肉又滑又勁多，其次個手卷超巨型，上面麻辣汁流入飯到，食到落底仍然好惹味，而且只係十幾廿蚊，性價比真係超高呀，好值得推介。