肚餓了串燒烤焗專門店 (已結業)

肚餓嘅時候大家會諗到去邊度？深宵嘅時候，肚餓既時候相信大家都想搵啲惹味嘅食物試下。那是嚟到呢間串燒店我已經第二次來了，因為貪佢地點夠就腳，而且食嘅串燒款式多多，包羅萬有。上面嘅環境大概可以坐到30人，氣氛同埋燈光都比較暗，適合大家邊飲住啤酒，邊食住好味嘅串燒。餐牌分門別類，將唔同嘅串燒井井有條地排列，而且風格新㯋，是年輕人最愛。一口氣叫咗好多唔同款式嘅串燒，蘆筍燒得好香，內裏仲非常多汁，表面仲蓋上孜然粉，好香好撲鼻。椒鹽燒新加坡彈牙白魚蛋大大粒，好爽口亦都好彈牙，烤得外香內熱，好滋味。若然味道唔夠，枱上面仲有好多唔同嘅配料香料，可以俾你灑在串燒表面，調節辣到喎入味程度。牛舌同埋豬手都係我比較喜歡嘅食物，牛舌做到好厚身好腍，而且肉味好夠。豬手雖然乾身，但仍保存豬手應有的煙韌感，配上少許椒鹽，香香的脆口又濃味。扇貝太好食！好食到唔記得影相添，佢滿滿嘅蒜蓉，包着大大粒元貝嘅肉，好香又好味。