韓大叔大排檔

营业中

休息中

去咗一間好好味既韓國餐廳同朋友dinner 真係食得好開心！一入到去，啲環境就好有韓國街頭風味，燈光柔和，木系裝修～非常適合同朋友聚會。我哋叫咗「韓大叔醬油拼盤」。呢個拼盤上面有幾種唔同嘅海鮮，味道好豐富，有醬油蟹，醬油蝦同埋醬油鮑魚！超級美味～配埋紫菜飯一齊食，真係舔舔脷！海鮮煎餅超好食！一上枱就聞到陣陣海鮮香味。煎餅外脆內煙韌，裡面嘅海鮮加埋一齊食好有咬感，尤其是蝦同埋魷魚，啖啖都有肉，真係唔可以錯過！我地叫左草莓牛奶～佢嘅牛奶好滑，底層仲有蜜糖，飲落去甜中帶滑，簡直係完美嘅搭配，真係令人回味無窮！我哋仲點咗韓式豬手。呢個豬手皮滑肉嫩，啲汁又濃郁，最正嘅係配埋生菜蒜蓉一齊食，每一啖都好有層次感，口感非常好！生菜嘅清新可以平衡豬手嘅油膩，真係越食越想食！韓式魷魚拌飯係一個好滋味嘅選擇。魷魚配韓式辣醬好好食！份量充足又新鮮，配埋白飯一齊食，非常惹味，配上特製嘅醬汁，味道好入味～每一口都好滿足！韓式熔岩芝士煎蛋卷一切開，啲芝士就流出嚟，熱辣辣嘅，真係太好味！煎蛋卷搭配芝士真係無敵!